Surxondaryoda «Nexia» haydovchisining uxlab qolishi oqibatida YTH sodir bo‘ldi

Ma’lum bo‘lishicha, holat 19 iyul kuni 16:00 atrofida Surxondaryodagi halqaro ahamiyatga ega M–39 avtomobil yo‘lining 1337-kilometrida sodir bo‘lgan. Sherobod–Boysun yo‘lida harakatlanib kelayotgan «Nexia» markali sariq taksi mashina haydovchisi uxlab qolishi oqibatida oldidagi sement tashuvchi mashinaga borib urilgan. Uning ortidan kelayotgan boshqa bir «Nexia» boshqaruvni yo‘qotib, taksi mashinasi bilan to‘qnashgan.

Aniqlanishicha, sementovoz boshqalarga xalaqit qilmaslik uchun yo‘lning o‘ng qismidan yurgan. Sariq «Nexia» esa yo‘lning ikkinchi qismi bo‘sh bo‘lishiga qaramay, yuk mashinasiga borib urilgan.

Xabar berilishicha, YTH oqibatida sariq taksi mashinasi haydovchisi olgan tan jarohatlari sabab vafot etgan.

Holat yuzasidan Ichki ishlar xodimlari hudud aholisi va haydovchilar bilan targ‘ibot-tashviqot ishlari olib borib, tegishli topshiriq va ko‘rsatmalarni berdi.

@yhxbb_uz