"Shahodatnoma"ni endilikda elektron shaklda olish mumkin

Maktab bitiruvchilari elektron shahodatnomalari(attestat)ni quyidagi havolalar orqali bepul yuklab olishi mumkin:

Yagona interaktiv davlat xizmatlari (my.gov.uz) portalidagi Umumiy o‘rta ta’lim to‘g‘risida shahodatnoma ma’lumotini olish davlat xizmati orqali.

Elektron shahodatnoma (e-shahodatnoma.uz) axborot tizimiga shaxsiy ma’lumotlarini kiritish orqali.

Ma’lumot uchun: 11-sinf maktab bitiruvchilarining shahodatnoma ma’lumotlari Bilim va malakalarni baholash agentligining OTM qabul bo‘yicha elektron platformasiga integrasiya qilingan.

Shu bois, oliy ta’lim muassasalariga elektron hujjat topshirish jarayonida bitiruvchining shahodatnoma ma’lumotlari avtomatik tarzda taqdim etiladi.

Bitiruvchilar shahodatnomalarini shaxsan taqdim etishlari shart emas.