Rossiyadagi neft bazasidagi yong‘in bir kundan keyin o‘chirildi

Rossiya Federasiyasining Krasnodar o‘lkasidagi Leningradskaya qishlog‘ida Favqulodda vaziyatlar vazirligi xodimlari mahalliy neft bazasidagi yong‘inni o‘chirdi.

Gap «Rosneft-Kubannefteprodukt» kompaniyasiga tegishli Uman neft bazasi haqida ketmoqda, deb yozadi «Kommersant».

Viloyat tezkor shtabi 5 iyuldan 6 iyulga o‘tar kechasi yong‘in sodir bo‘lganligi haqida xabar bergan.

5 iyuldan 6 iyulga o‘tar kechasi dron hujumi chog‘ida Krasnodar o‘lkasining Pavlovskiy tumanida joylashgan neft bazasida ham yong‘in kelib chiqqan. Yong‘in, rasmiy ma’lumotlarga ko‘ra, uchuvchisiz samolyot parchalari qulashi natijasida yuzaga kelgan. Yong‘in 6 iyul kuni kechqurun o‘chirilgan. Pavlovsk neft bazasi ««Lukoyl-Yugnefteprodukt» MCHJga tegishli.