Ozarboyjon TIV Boku va Yerevan o‘rtasidagi tinchlik kelishuvining to‘liq matnini e’lon qildi

Mazkur hujjat Vashingtondagi uchrashuvda imzolangan bo‘lib, Ozarboyjon va Armaniston o‘rtasidagi tinchlik kelishuvi quyidagi bandlardan iborat:

◾️ Chegaralarni tan olish — tomonlar bir-birining suverenitetini, hududiy yaxlitligini, chegaralarning daxlsizligini va siyosiy mustaqilligini tan oladi va hurmat qiladi (sobiq SSSR ittifoqdosh respublikalari chegaralari xalqaro chegaralar deb hisoblanadi);

◾️ Hududiy da’volardan voz kechish — tomonlar hozirda va kelajakda bir-biriga hududiy talablar qo‘ymaydi va boshqa tomonning yaxlitligi yoki siyosiy birligini buzuvchi harakatlarni qo‘llab-quvvatlamaydi;

◾️ Kuch ishlatmaslik — tomonlar bir-biriga qarshi kuch ishlatmaydi va kuch ishlatish bilan tahdid qilmaydi, shuningdek, uchinchi tomonlarga o‘z hududidan tajovuz uchun foydalanishga ruxsat bermaydi;

◾️ Ichki ishlarga aralashmaslik — ikki davlat bir-birining siyosati va ichki ishlariga aralashmaslik majburiyatini oladi;

◾️ Diplomatik aloqalar — kelishuv ratifikasiya qilingandan keyin belgilangan muddat ichida 1961 va 1963 yillardagi Vena konvensyalariga muvofiq diplomatik munosabatlar o‘rnatiladi;

◾️ Chegaralarni belgilash — chegarani delimitasiya va demarkasiya qilish bo‘yicha muzokaralar uchun maxsus komissiya tuziladi;

◾️ Chegarada qo‘shinlar bo‘lmasligi — demarkasiya jarayoni yakunlanguniga qadar chegarada uchinchi kuchlar joylashtirilmaydi, ishonch va xavfsizlik choralarini amalga oshirish ko‘zda tutiladi;

◾️ Ekstremizmga qarshi kurash — murosasizlik, irqiy nafrat, separatizm va terrorizmga qarshi qo‘shma choralar ko‘riladi;

◾️ Bedarak yo‘qolganlar masalasi — tomonlar bedarak yo‘qolganlarning taqdirini aniqlash, ma’lumot almashish, jasadlarni qaytarish va tergov o‘tkazishni majburiyat sifatida oladi;

◾️ Hamkorlik — iqtisodiyot, transport, ekologiya, gumanitar va madaniy sohalarda alohida kelishuvlar tuzilishi mumkin;

◾️ Ijroni nazorat qilish bo‘yicha qo‘shma komissiya — kelishuvning bajarilishini nazorat qilish uchun ikki tomonlama organ tuziladi;

◾️ Nizolarni hal qilish — barcha nizolarni muzokaralar orqali hal qilishga harakat qilinadi, agar 6 oy ichida natija bo‘lmasa, boshqa tinch yo‘llar bilan hal qilinadi;

◾️ Da’volarni qaytarib olish — kelishuv kuchga kirgandan keyin bir oy ichida tomonlar o‘zaro va xalqaro sudlarga oid barcha eski da’volar, shikoyatlar va nizolarni qaytarib oladi;

◾️ Kelishuvning kuchga kirishi — ichki tartib-taomillar yakunlanganini tasdiqlovchi hujjatlar almashilganidan so‘ng tinchlik kelishuvi BMTda ro‘yxatga olinadi va kuchga kiradi.