Ozarbayjon Ukrainaga navbatdagi gumanitar yordamni yubordi

Ozarbayjon Ukrainaga yana bir insonparvarlik yordamini jo‘natdi. Bu haqda Trend xabar berdi.

Insonparvarlik yordami Ukraina tomonining murojaatini inobatga olgan holda prezident Ilhom Aliyev topshirig‘i bilan tashkil etilgan.

Gumanitar yuklar suv quvurlari, nasoslari, qutqaruv jiletlaridan iborat.

Shu bilan birga, Ukrainaga qutqaruv ishlarida qatnashadigan texnika va kemalar uchun mo‘ljallangan 20 tonna yoqilg‘i jo‘natilgan.

Eslatib o‘tamiz, gumanitar yuk Bokudan Polshaga, u yerdan esa Ukrainaga samolyotda yetkaziladi.