Ombudsman tashabbusi bilan Navoiy viloyatidagi mahkumlar tibbiy ko‘rikdan o‘tkazildi
Oliy Majlisning Inson huquqlari bo‘yicha vakilining (Ombudsmanning) Navoiy viloyatidagi mintaqaviy vakili hamda prokuratura, sog‘liqni saqlash boshqarmasi mas’ullari hamkorligida joriy yiling o‘tgan davri mobaynida Navoiy xududida joylashgan jazoni ijro etish muassasalarida sayyor qabullar tashkil etilgan edi.
Qabullarda kelib tushgan murojaatlar asosini tibbiy ko‘rik bilan bog‘liq masalalar tashkil etganligi bois, joriy yilning 1-5 avgust kunlari jazoni ijro etish muassasalarida tor doiradagi mutaxassislar ishtirokida mahkumlar tibbiy ko‘rikdan o‘tkazildi.
5 kun davomida Navoiy viloyatidagi 4, 5, 11, 12 -sonli jazoni ijro etish muasasalarida tibbiy ko‘riklar tashkil etildi. Unga 18 nafar tor doiradagi yuqori malakaga va tajribaga ega bo‘lgan tibbiyot xodimlari va 6 xil turdagi ko‘chma tibbiy uskunalar jalb etildi.
Jazoni ijro etish muassasasidagi har bir mahkum kardiolog, lor, okulist, jarrox, va boshqa yo‘nalishdagi mutaxasislar tomonidan ko‘rikdan o‘tkazib, sog‘lig‘ini tiklashga doir zaruriy tavsiyalar berildi.
Tibbiy ko‘riklar yakunlariga ko‘ra, Navoiy viloyatidagi jazoni ijro etish muassasalarda saqlanayotgan mahkumlar tor doiradagi mutaxassislar tomonidan to‘liq tibbiy ko‘rikdan o‘tkazildi.
Oliy Majlisi Inson huquqlari bo‘yicha vakili (ombudsman) Axborot xizmati
