Mansabdor shaxs nomidan telegram akkaunti ochib firibgarlik qilib yurgan shaxs ushlandi

Jizzax viloyatida yashovchi fuqaro O‘.J. ariza bilan murojaat qilib, telegram messenjeri orqali noma’lum shaxc, uning nomidan akkaunt ochib, uning tanishlaridan har xil vajlar bilan pullarni o‘zlashtirib kelayotganligini ma’lum qilib, ushbu noma’lum shaxsga nisbatan qonuniy chora ko‘rishlikni so‘ragan.

Olib borilgan tezkor-qidiruv tadbirlari natijasida, firibgarlik qilib pullarni o‘zlashtirayotgan shaxs, Zarbdor tumanida yashovchi 1994 y.t., J.B. ekanligi aniqlangan.

J.B muqaddam jabrlanuvchi bilan bir joyda ishlaganligi, uni oldindan kimlar bilan tanish ekanligini bilganligi sababli jabrlanuvchi nomidan telegram akkaunti ochib uning tanishlaridan turli firibgarlik vajlari bilan pullarni o‘zlashtirganligi ma’lum bo‘ldi.

J.B.ga nisbatan O‘z. Res. JKning 168-moddasi 3-qismi bilan jinoyat ishi qo‘zg‘atilib, dastlabki tergov harakatlari olib borilmoqda.