Kristofer Lakson Yangi Zelandiyaning yangi bosh vaziri bo‘ldi
![Kristofer Lakson Yangi Zelandiyaning yangi bosh vaziri bo‘ldi Kristofer Lakson Yangi Zelandiyaning yangi bosh vaziri bo‘ldi](/photos/news/mKU3rD2hvJS15ip.jpeg)
Yangi Zelandiya Milliy partiyasi (YAZMP) rahbari Kristofer Lakson mamlakatning 42-bosh vaziri sifatida qasamyod qildi. Tegishli bayonot Yangi Zelandiya hukumati rahbarining X (sobiq Twitter) ijtimoiy tarmog‘idagi sahifasida e’lon qilindi, deya xabar beradi Kazinform agentligi TASSga tayanib.
-Yangi Zelandiya Bosh vaziri sifatida qasamyod qilish sharaf, martaba va mas’uliyatdir, - dedi Lakson.
Vazirlar mahkamasi rahbari tez orada 20 ta vazirdan iborat bo‘lgan hukumat tarkibini rasman e’lon qilishi kutilmoqda: Yangi Zelandiya Milliy partiyasidan (YAZMP) 14 ta va ACT hamda “Birinchi navbatda Yangi Zelandiya” uchtadan nomzod ko‘rsatadi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)