Koronavirus bilan bog‘liq o‘lim ko‘rsatkichini sezilarli darajada kamaytiradigan yana bir omil aniqlandi
Boston universiteti tibbiyot fakulteti olimlari qonda normal darajada D vitamini bo‘lgan xastalikka chalingan bemorlarda D vitamini tanqisligi bo‘lgan bemorlarga qaraganda og‘ir holatlar va o‘lim soni kamligini aniqlashdi.
Tadqiqot natijalari “PLOS ONE” jurnalida chop etildi.
Olimlar tomonidan ta’kidlanishicha, tajriba davomida D vitamini yetarli darajada bo‘lgan 40 yoshdan oshgan bemorlar orasida D vitamini yetishmovchiligiga uchraganlarga qaraganda infeksiyadan o‘lish ehtimoli 51,5% ga kam ko‘rsatkich qayd etilgan.
"Ushbu tadqiqot D vitaminining yetarliligi asoratlarni, shu jumladan, sitokin bo‘ronlarini va oxir-oqibat COVID-19 qurboni bo‘lishning oldini olishi bilan bog‘liq to‘g‘ridan-to‘g‘ri dalillarni keltirib chiqaradi", dedi tadqiqot rahbari doktor Maykl Xolik.