Italiya mudofaa vaziri rus xalqini dushman sifatida qabul qilmaslikka chaqirdi
Italiya mudofaa vaziri Gido Krozetto rus xalqini dushman sifatida qabul qilmaslikka chaqirdi.
O‘tgan hafta Krosetto ruslar va italiyaliklar o‘rtasida hech qanday ziddiyat yo‘qligini aytib, xalqlar o‘rtasidagi do‘stlik davom etishiga umid bildirdi. Uning so‘zlariga ko‘ra, «italiyaliklar ruslar bilan do‘stlikni davom ettirmoqda».
«Corriere della Sera» gazetasiga bergan intervyusida u o‘tgan hafta Yevropaning bir qator elchilari Moskvada uchrashib, rossiyaliklar uchun viza berishni kuchaytirish masalasini muhokama qilganini aytdi.
Uning fikricha, G‘arb rus xalqi bilan muloqot kanallarini ochiq tutishi kerak.
«Odamlar Yevropaga boshqa ovozni eshitish uchun kelishsa yaxshi bo‘lardi. Biz Ukrainaga yordam berishda davom etishimiz kerak, chunki boshqa alternativa yo‘q, lekin biz rus xalqiga G‘arb nima ekanligini ko‘rsatish uchun nimanidir o‘zgartirishimiz mumkin.
Vazirning fikricha, «butun rus xalqini dushman deb bilish xato».
«Men hech qachon san’atkorlar, sportchilar, tinch aholiga nisbatan cheklovlarni baham ko‘rmaganman. Biz muloqot kanallarini ochiq qoldirishimiz kerak», - dedi u.
