ISW: Ruslar Baxmutda va Avdiivka atrofida biroz muvaffaqiyatga erishdi

Amerika urushni o‘rganish instituti o‘zining kundalik hisobotida Baxmut va Avdiivkaning ikkala tomonida rus bo‘linmalarining biroz oldinga siljishi haqida xabar beradi.

Tarmoqlarda e’lon qilingan videolar va geolokasiyalangan videolarga asoslanib, institut tahlilchilari ruslar Baxmutning janubi va janubi-g‘arbiy qismida biroz oldinga siljishganini yozishadi.

Bir kun oldin, ISW, o‘z hisob-kitoblariga ko‘ra, "Vagner" xususiy harbiy shirkati bo‘linmalari ko‘p oylik janglar natijasida hozirda 70 mingga yaqin aholi istiqomat qilgan Baxmut hududining uchdan ikki qismini egallab olganini yozgan edi.

Bundan tashqari, ochiq manbalardan olingan ma’lumotlar ISW'ga so‘nggi bir-ikki kun ichida rus bo‘linmalari Donesk yaqinida joylashgan Avdiivka shahrining har ikki tomonida biroz oldinga siljishgan deb taxmin qilish imkonini beradi.

"29 mart kuni e’lon qilingan geolokasiyalangan tadqiqotlar shuni ko‘rsatadiki, Rossiya qo‘shinlari Vodyanoye (Avdiivkadan 8 km janubi-g‘arbda) va Veseloye (Avdiivkadan 7 km shimoli-sharq) shimoliga o‘tgan bo‘lishi mumkin", deb yozadi ISW.

Veseloye qishlog‘i aslida Avdiivkadan to‘g‘ridan-to‘g‘ri shimolda, uning eng yaqin chekkasidan bir kilometr uzoqlikda joylashgan.

Urushning birinchi kunidanoq ruslar bostirib kirgan Avdiivka hozir ular tomonidan uch tomondan o‘rab olingan edi.