Isroil tizimli qiynoqlar orqali qamoqxonalarni «jahannam»ga aylantirdi

2023 yil 27 oktyabrdan beri Isroil eksklavda minglab falastinliklarni, jumladan ayollar, bolalar, shifokorlar va fuqarolik mudofaasi xodimlarini hibsga oldi. Ular shunchaki "jang qilish yoshida" bo‘lgani yoki Falastin qarshiliklarini qo‘llab-quvvatlash aybi bilan hibsga olingan. Falastinliklarning ba’zilari keyinchalik ozodlikka chiqarilgan bo‘lsa, boshqalari g‘ayriinsoniy sharoitlarda jazoni o‘tamoqda. Bu haqda AzonGlobal nashri yozdi.

Isroil qamoqxonalari qiynoqlar lageriga aylandi

Isroil qamoqxonalari falastinliklar jismoniy va jinsiy zo‘ravonlik, ochlik va uyqusizlik kabi shafqatsiz qiynoqlarga duchor bo‘layotgan "qiynoq lagerlar"iga aylandi, deyiladi Isroilning “Beselem” (B'Tselem) notijorat tashkiloti hisobotida.

“Do‘zaxga xush kelibsiz: Isroil qamoqxonalari qiynoq lagerlari tarmog‘iga aylandi” nomli hisobot avgust oyida bir necha tillarda chop etildi.

Tadqiqot davomida “Beselem” Isroil qamoqxonalarida saqlanayotgan 55 nafar falastinlikdan guvohlik to‘pladi. Ulardan 30 nafari G‘arbiy Sohil, jumladan Sharqiy Quddus aholisi, 21 nafari G‘azo sektori va to‘rt nafari asli arab bo‘lgan Isroil fuqarolaridir.

Sobiq mahbuslar, jumladan, shifokorlar, olim ayollar, huquqshunoslar, universitet talabalari, bolalar va siyosiy yetakchilar Isroil G‘azo sektoriga hujumlar boshlagan 2023 yil 7 oktyabrdan keyin Isroil qamoqxonalarida boshlaridan o‘tkazgan holatlar haqida gapirgan.

Falastinliklar qamoqxonalarda zo‘ravonlik va qiynoqlar, jumladan jinsiy zo‘ravonlik, xo‘rlash, ochlik va shafqatsiz o‘zboshimchalik bilan zo‘ravonlik qilish bo‘yicha tizimli siyosat olib borilayotganini ta’kidlagan.

Jinsiy tajovuz, xo‘rlash, qasddan ochlik, majburiy antisanitariya, uyqusizlik, diniy amallarga qarshi taqiq va jazo choralari, barcha shaxsiy buyumlarni musodara qilish va tegishli tibbiy yordam ko‘rsatishdan bosh tortish – sobiq mahbuslar Isroil qamoqxonalaridagi sharoitlarni shunday tasvirlaydi.

Hisobotda aytilishicha, 12 dan ortiq harbiy fuqarolik qamoqxonalaridagi har bir mahbus ataylab shafqatsiz, tinimsiz og‘riq va azob-uqubatlarga duchor bo‘lgan.

G‘azo sektoridagi hujumlardan oldin, Isroil qamoqxonalarida 5192 falastinlik bo‘lgan, 2024 yil iyul oyi boshida esa 9623 nafarga yetgan. Falastinliklarning 4781 nafari sudsiz va ayblovlarsiz “ma’muriy qamoq” niqobi ostida qamoqxonalarga joylashtirilgan.

Isroil qamoqxonalarida qancha falastinlik saqlanayotgani haqida aniq ma’lumot yo‘q, biroq Isroil matbuotiga ko‘ra, bu raqam kamida 4500 nafarni tashkil qiladi.

"Isroil Guantanamosi": Sde Teyman hibsxonasidagi mislsiz qiynoqlar

G‘azo sektorida Isroil armiyasi tomonidan qo‘lga olingan falastinliklarga nisbatan g‘ayriinsoniy jinoyatlar, ayniqsa jinsiy zo‘ravonlik va qiynoqlar sodir etilayotgan Sde Teyman falastinliklarga eng shafqatsiz munosabatda bo‘lgan qamoqxonalardan biri sanaladi.

Isroil qamoqxonalaridagi falastinliklarga nisbatan jismoniy va ruhiy zo‘ravonlik qarorgohi Isroilda joylashgan Fuqarolik huquqlari nodavlat tashkiloti uyushmasi hisobotida batafsil bayon etilgan.

Hisobotda Sde Teymanda jarrohlik amaliyotlari behushliksiz amalga oshirilgani, mahbuslarning og‘riq keltiruvchi tarzda qo‘llariga kishan solingani, uzoq vaqt ko‘zlari bog‘langan holda qoldirilgani, zo‘ravonlik qo‘llangani va tibbiy e’tiborsizlik ko‘rsatilgani qayd etilgan.

Isroil qamoqxonalarida 48 falastinlik o‘ldirildi

Haaretz nashrining 29 iyul kuni xabar berishicha, Isroil armiyasi Isroil qamoqxonalarida 48 nafar falastinlik halok bo‘lganini tekshirmoqda.

Bu kishilarning ko‘pchiligi G‘azoda qo‘lga olingani, 36 nafarining esa Sde Teymanda halok bo‘lgani qayd etildi.

18 sentyabr kuni Isroil Oliy sudi Sde Teymanni yopish to‘g‘risidagi so‘rovni inson huquqlari tashkilotlari hibsxonada qonunbuzarliklar sodir etilganini isbotlaganiga qaramay, rad etdi.

Haaretz Sde Teymandan tashqari, Isroil shimolidagi Megiddo qamoqxonasi ham falastinlik mahbuslarga qarshi doimiy ravishda dahshatli jinoyatlar sodir etiladigan va muntazam qiynoqlar qo‘llaniladigan yana bir qamoqxona ekanini ta’kidladi.

Megiddodan sizdirilgan hujjatlar yuzlab falastinlik mahbuslar bir qator dahshatli qiynoqlarga, jumladan, ularni kamsitish uchun itlar hujumlariga duchor bo‘lganini ko‘rsatdi.