Imomali Rahmon Qirg‘izistonga boradi
Tojikiston prezidenti Imomali Rahmon 2-iyun kuni Qirg‘izistonda bo‘lib o‘tadigan “Evropa Ittifoqi – Markaziy Osiyo” sammitida ishtirok etadi, deb xabar berdiTojikiston davlat rahbari matbuot xizmati Asia Plus nashriga.
Sammitda O‘zbekiston, Qozog‘iston rahbarlari, shuningdek, Turkmaniston Vazirlar Mahkamasi raisi o‘rinbosari ham ishtirok etishi kutilmoqda.
Yig‘ilishda Yevropa tomonidan Yevropa kengashi prezidenti Sharl Mishel ishtirok etadi.
Manbaga ko‘ra, sammit doirasida Imomali Rahmon va Qirg‘iziston rahbari Sadir Japarov o‘rtasida ikki tomonlama uchrashuv o‘tkazilishi rejalashtirilgan. Prezidentlar nimani muhokama qilishi haqida xabar berilmagan.
2022-yil 27-oktyabr kuni Ostona shahrida Markaziy Osiyo davlatlari rahbarlari va Yevropa kengashi prezidenti Sharl Mishelning birinchi uchrashuvi bo‘lib o‘tdi.
