Germaniya Rossiyaga qarshi yangi sanksiyalar tufayli muammoga duch kelmoqda

Rossiya neft mahsulotlari uchun narx chegarasining joriy etilishi Germaniyada dizel yoqilg‘isi narxining oshishi xavfini tug‘diradi.

Bu haqda RND nemis tahririyati axborot portali xabar bermoqda.

Qayd etilishicha, hozir jahon bozorida dizel yoqilg‘isi tanqis bo‘lib, Yevropa Ittifoqi uni Rossiyadan sotib olmasa, uni uzoqroq hududlardan yetkazib berishga to‘g‘ri keladi.

Misol uchun, Saudiya Arabistonidan, dedi Germaniya iqtisodiyoti instituti professori Tomas Pauls.

"Maxsus kemalarning sig‘imi cheklangan, yo‘nalishlar uzunroq va transport shunga mos ravishda qimmatroq", dedi u.