Farg‘onadan Qirg‘izistonga mikroavtobus qatnovi qayta tiklandi

Bilasizmi? / Yurtimizda
A A A
Farg‘onadan Qirg‘izistonga mikroavtobus qatnovi qayta tiklandi

Bugun, 26 yanvardan e’tiboran “Farg‘ona – Quvasoy – Qizil-qiya” xalqaro yo‘nalishida mikroavtobus qatnovi qayta tiklandi. Bu haqda O‘zbekiston Transport vazirligi Axborot xizmati xabar bermoqda.

Farg‘ona va Qirg‘izistonning Batken viloyatidagi Qizil-qiya shahri o‘rtasida amalga oshiriladigan mazkur qatnov ikki chegaradosh viloyat o‘rtasidagi bordi-keldi uchun muhim yo‘nalishlardan biri hisoblanadi.

2020 yilgacha mavjud bo‘lgan mazkur qatnov, pandemiya davri cheklovlarida to‘xtab qolgan edi.

Farg‘onadan Qirg‘izistonga mikroavtobus qatnovi qayta tiklandi

Qirg‘iziston tomonidan “Qizil-qiya PATP”, O‘zbekiston tomonidan esa “Dayewoo Trans Servis” MCHJ xizmat ko‘rsatuvchi yo‘nalish umumiy masofasi 39,5 kmni tashkil etib, yo‘lkira narxi 12 ming so‘m etib belgilandi.

Mikroavtobuslar Qizil-qiya va Farg‘onadan tongi soat 7:20 da harakat boshlanishi nazarda tutilgan.

Kelgusida aholi talab va ehtiyojlarini inobatga olgan holda qatnovlarni ko‘paytirish rejalashtirilmoqda.

Kiritildi: 22:19 26.01.2023. O'qildi: 2614 marta. Fikrlar soni: 0 ta.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!