Erdog‘an: Turkiyada Putin va Zelenskiy uchrashuvini tashkil etishga tayyormiz

Prezident Rejep Tayyip Erdog‘an 5 avgust kuni Sochida maslakdoshi Putin bilan muzokara chog‘ida Turkiya Rossiya va Ukraina rahbarlari uchrashuvi uchun platforma sifatida taklif qilinganini aytdi.

“TRT” telekanali Erdog‘anning shu haqdagi bayonotidan quyidagi iqtibosni keltirdi:
- Endi g‘alla eksporti rejasini to‘liq amalga oshirish va Istanbul muzokarasiga qaytish uchun aniq qadamlar bilan qo‘llab-quvvatlash mumkin.

Men nizoning boshidanoq Ukraina inqirozida g‘olib bo‘lishi mumkin emas, deganman. Muammo faqat muzokara natijasida hal etilishiga chuqur aminman. Putinga Prezident Zelenskiy bilan ko‘rishish uchun Turkiya vositachilik qilishga tayyor ekanini yana bir bor eslatdim.

Erdog‘an va uning siyosatchilari Rossiya - Ukraina o‘rtasidagi har qanday uchrashuv uchun hudud ajratishga tayyorliklarini ko‘p ta’kidlashgan.