Eldor Shomurodovga Italiyaning boshqa bir klubi qiziqish bildirmoqda

“Roma” hujumchisi Eldor Shomurodov Rim klubini tark etishga yaqin turibdi. Hujumchining xizmatlariga “Torino” qiziqish bildirmoqda. Bu haqda Corriere Gramata nashri yozmoqda.

Manbaning qayd etishicha, “Torino” allaqachon futbolchini sotib olish bo‘yicha so‘rov yuborgan. Qayd etilishicha, Turin klubi hamyurtimizni keyinroq sotib olish imkoniyati bilan ijaraga olmoqchi.

Shomurodov o‘tgan mavsumda "Roma"ning 40ta o‘yinida maydonga tushdi. Hujumchi beshta gol urdi va oltita golli uzatmani ham amalga oshirdi.