Ekvador Konstitusiyaviy sudi evtanaziyaga ruxsat berdi

Ekvador evtanaziyani dekriminallashtirgan Kolumbiyadan keyin ikkinchi Lotin Amerikasi davlatiga aylandi, deya xabar beradi BBC.

Konstitusiyaviy sud shifokorlarga bemorlarning o‘limiga yordam berishga ruxsat berishni yoqlab ovoz berdi (etti kishidan faqat ikkitasi qarshi bo‘ldi).

Da’vo ALS deb ataladigan nevrologik kasallik bilan og‘rigan ayol tomonidan qo‘zg‘atilgan.

Amiotrofik lateral skleroz (ALS) - markaziy asab tizimining progressiv, davolab bo‘lmaydigan kasalligi bo‘lib, u yuqori va pastki dvigatel neyronlariga ta’sir qiladi, bu esa falajga va keyinchalik mushaklar atrofiyasiga olib keladi.

Noyabr oyida Paola Roldan sudda o‘lim istagini bildirgan holda og‘riq va yolg‘izlikni his qilganini aytdi.

U Jinoyat kodeksining evtanaziya 10 yildan 13 yilgacha ozodlikdan mahrum qilish bilan jazolanadigan qotillik deb tasniflangan moddasiga qarshi chiqdi, deb xabar beradi AFP.

Sud "shunga o‘xshash vaziyatni boshdan kechirayotgan odamni yashashga majbur qilish aqlga sig‘maydi" degan qarorga keldi.

Aksariyat ekvadorliklar mansub bo‘lgan Rim-katolik cherkovi evtanaziyaga qarshi.

Evtanaziya to‘g‘risidagi qonun loyihasi endi Kongress tomonidan ishlab chiqilishi va tasdiqlanishi kerak, bu jarayon ko‘p oylar davom etishi mumkin.