Ekstremal ob-havo hodisalaridan jahon iqtisodiyotiga yetkazilgan zarar 2 trillion dollarga baholandi

Erdagi iqlim o‘zgarishi bilan bog‘liq ekstremal ob-havo hodisalari so‘nggi 10 yil ichida jahon iqtisodiyotiga 2 trillion dollardan ortiq zarar keltirdi.

Bu haqda Parijdagi Xalqaro savdo palatasi saytida chop etilgan hisobotda aytiladi.

Hisobot 2014 yildan 2023 yilgacha bo‘lgan va jami 1,6 milliard odamga ta’sir qilgan 4000ga yaqin ob-havo hodisalarini o‘rganadi. Tadqiqotchilar turar-joy binolari, korxonalar va infratuzilmalarning vayron bo‘lishidan kelib chiqadigan bevosita zararni ham, ob-havo sharoitlarining mehnat unumdorligiga ta’sirini ham hisobga oldi.

Hujjatda ta’kidlanganidek, "birgina so‘nggi 2 yilda global iqtisodiy zarar 451 milliard dollarga yetdi, bu avvalgi 8 yilga nisbatan 19 foizga ko‘pdir".

"So‘nggi o‘n yillikdagi dalillar iqlim o‘zgarishi kelajak muammosi emasligini ko‘rsatadi: ekstremal ob-havo hodisalari natijasida hosildorlikning yo‘qolishi hozir iqtisodiyotga ta’sir qilmoqda", dedi palata bosh kotibi Jon Denton.

Tadqiqotni Oxera konsalting kompaniyasi olib bordi.