“Butunjahon turizm kuni”: xorijlik talabalarga sertifikatlar, munosiblarga esa “Turizm fidoyisi” ko‘krak nishonlari topshirildi

“Butunjahon turizm kuni”: xorijlik talabalarga sertifikatlar, munosiblarga esa “Turizm fidoyisi” ko‘krak nishonlari topshirildi

2022 yilning 27 sentyabr kuni “Silk Road Samarkand” xalqaro sayyohlik markazidagi Kongress-xollda “Butunjahon turizm kuni”ga bag‘ishlangan tadbir bo‘lib o‘tdi.

Tadbirda davlat tashkilotlari, diplomatik korpus, sayyohlik tashkilotlari vakillari, tadbirkorlar, san’at namoyandalari, “Ipak yo‘li” xalqaro turizm va madaniy mereos universiteti talabalari hamda ommaviy axborot vositalari vakillari ishtirok etdi.

“Butunjahon turizm kuni”: xorijlik talabalarga sertifikatlar, munosiblarga esa “Turizm fidoyisi” ko‘krak nishonlari topshirildiTadbirni Bosh vazir o‘rinbosari – Turizm va madaniy meros vaziri, “Ipak yo‘li” xalqaro turizm va madaniy meros universiteti rektori Aziz Abduhakimov o‘z nutqi bilan ochib berdi va Prezidentimiz Shavkat Mirziyoyev rahnamoligida O‘zbekiston Hukumati tomonidan turizm sohasini rivojlantirishga alohida e’tibor qaratilayotganini hamda “Butunjahon turizm kuni” mamlakatimiz uchun ahamiyatli ekanini ta’kidlab o‘tdi.

“Ishonchim komilki, ushbu tadbir turizm sohasida yangi yutuqlarni boshlanishi uchun kuchli turtki bo‘ladi, shuningdek, O‘zbekistonning xalqaro miqyosdagi eng yaxshi va xavfsiz sayyohlik yo‘nalishlaridan biri sifatidagi nufuzini yanada yuksaltirishga xizmat qiladi”, – dedi u.

Shuningdek, vazir “Ipak yo‘li” xalqaro turizm va madaniy mereos universiteti haqida to‘xtaldi.

“Ayni damda xalqaro talablarga mos, zamonaviy o‘quv laboratoriyalariga ega, zamonaviy sport inshootlari bilan ta’minlangan, xalqaro toifadagi professor-o‘qituvchilar tomonidan mashg‘ulotlar olib borilayotgan, katta kutubxona fondiga ega bo‘lgan, talabalarning sifatli ta’lim olishlari uchun barcha sharoitlarni o‘zida mujassam etgan “aqlli” universitet yaratildi”, – dedi vazir.

Ta’kidlash kerakki, O‘zbekiston Hukumuti tomonidan “Ipak yo‘li” xalqaro turizm va madaniy mereos universitetining magistratura yo‘nalishida tahsil olish uchun xorijiy talabalarga har yili 85 ta kvota ajratib borilmoqda. 2022/2023-o‘quv yilida ham bir nechta xorijlik talabalar grant sohibiga aylanib, universitetda tahsil olish imkonini qo‘lga kiritishdi.

“Butunjahon turizm kuni”: xorijlik talabalarga sertifikatlar, munosiblarga esa “Turizm fidoyisi” ko‘krak nishonlari topshirildi

Tadbirda Aziz Abduhakimov ana shu talabalarga ham omad tiladi:

“Fursatdan foydalanib O‘zbekiston Hukumati tomonidan taqdim qilingan grant sohiblarini “Ipak yo‘li” turizm va madaniy meros xalqaro universitetining rektori sifatida tabriklayman! O‘qishlaringizga ulkan zafarlar tilayman!”.

Universitetda o‘qish uchun sertifikatni qo‘lga kiritgan xorijlik talabalar ham o‘z fikrlari bilan o‘rtoqlashdi.

“Butunjahon turizm kuni”: xorijlik talabalarga sertifikatlar, munosiblarga esa “Turizm fidoyisi” ko‘krak nishonlari topshirildi

“Samarqand chiroyli shahar ekan, menga yoqdi, – dedi sertifikat sohibalaridan biri Adriana Nur Aisya. – Ipak yo‘li” xalqaro turizm va madaniy mereos universitetida o‘qish imkonini qo‘lga kiritganimdan juda mamnunman”.

Qayd etish joizki, turizm sohasidagi yutuqlarni rag‘batlantirish maqsadida O‘zbekiston Respublikasi Vazirlar Mahkamasining 2020 yil 10 iyuldagi 433-son qarori bilan turizm sohasi vakillarini “Turizm fidoyisi” mukofoti bilan taqdirlash tartibi to‘g‘risidagi nizom tasdiqlangan edi. Tadbirda an’anaviy tarzda, O‘zbekistonda turizmni rivojlantirishga o‘z hissalarini qo‘shgan san’at va madaniyat arboblari, turizm sohasi, davlat va xalqaro tashkilotlar vakillari, tadbirkorlar va ommaviy axborot vositalari xodimlaridan iborat 47 nafar laureat “Turizm fidoyisi” ko‘krak nishoni bilan taqdirlandi. Ko‘krak nishonini Aziz Abduhakimov o‘z egalariga tantanali tarzda topshirdi.

“Butunjahon turizm kuni”: xorijlik talabalarga sertifikatlar, munosiblarga esa “Turizm fidoyisi” ko‘krak nishonlari topshirildi“Butunjahon turizm kuni”: xorijlik talabalarga sertifikatlar, munosiblarga esa “Turizm fidoyisi” ko‘krak nishonlari topshirildi

“Men ham bloger, ham sportchiman, — dedi “Turizm fidoyisi” ko‘krak nishoni bilan taqdirlangan bloger Asal Saparbayeva. — Mendan chet elliklar O‘zbekiston haqida ko‘p so‘rashardi. Shundan keyin “Nega O‘zbekistonni yanada mashhur qilmasligim kerak”, deb o‘ylab qoldim va videolarimda ham sport, ham o‘zbekona milliylikni targ‘ib qiladigan bo‘ldim. Bizning bir-biridan ajoyib an’analarimiz bor va biz doim ana shu an’analarni dunyoga tanitishga harakat qilishimiz kerak”.

“Butunjahon turizm kuni”ga bag‘ishlangan tadbir unutilmas lahzalarga boy bo‘ldi va ko‘tarinki ruhda o‘tdi. Shundan so‘ng tadbir ishtirokchilari, ko‘krak nishoni sohiblari va talabalar uchun bayram dasturxoni yozildi.

Ma’lumot uchun:

O‘zbekiston hukumati har yili chet ellik talabalarga “Ipak yo‘li” turizm va madaniy meros xalqaro universitetining magistratura bosqichida o‘qish imkoniyati uchun 85 ta kvota ajratadi.

Ushbu grant doirasida xorijlik talabalarga Samarqandga aviachipta narxi (bir marta) qoplanadi. Stipendiya to‘lanadi, kvartirani ijaraga olish uchun mablag‘ ajratiladi (shu jumladan, Samarqand shahridan bir xonali barcha shart-sharoitga ega kvartira ijarasi), shuningdek, yurtimiz bo‘ylab sayohat qilish uchun yiliga ikki marta 100 AQSh dollari ajratiladi.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!