Bo‘stonliq tumanida maktab o‘quvchilari talonchiga aylandi. Qanday qilib?

Joriy yilning 12 noyabr kuni Toshkent viloyatining Bo‘stonliq tuman IIBga tushgan hujjatlarga ko‘ra, Bo‘stonliq tumanida shu yil 4 noyabr kuni 2 noma’lum shaxs, G‘azalkent shahrida yashovchi maktab o‘quvchisi A.D.ni qo‘lidan “MI-A2-Lite” rusumli mobil telefonini tortib olib, voqea joyidan ketganlar.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasining xabar berishicha ko‘rilgan choralar natijasida ushbu jinoyatni G‘azalkent shahrida yashovchi, 1-sonli o‘rta maktabning 10-sinfida tahsil oluvchi o‘quvchilar T.A. va D.A.lar sodir etganliklari aniqlanib, ushlanganlar. Holat yuzasidan jinoyat ishi qo‘zg‘atilib, tergov harakatlari olib borilmoqda.