Bosh vazir uzr so‘radi

Armaniston bosh vaziri Nikol Pashinyan Arman Apostol cherkovi ruhoniylarini haqorat qilgani va qo‘pol so‘zlari uchun uzr so‘radi.

"Mening uzr so‘rashim korrupsiyaning oldini olish bo‘yicha komissiya qaror qabul qilgan ikkita aniq bayonot bilan bog‘liq", — dedi u Facebookdagi xabarida.

Siyosatchining qayd etishicha, u komissiya qaroriga faqat qisman rozi. Uning so‘zlariga ko‘ra, u yanada ehtiyotkorlik bilan "hissiyotlarini nazorat qilishi" kerak.

Komissiya xulosalari Nikol Pashinyan nashrlari yuzasidan o‘tkazilgan tekshiruvlar asosida tuzilgan. Bunday postlardan birida bosh vazir “jinsiy aloqada bo‘lmoq” yoki “urmoq” degan ma’noni anglatuvchi “dompel” so‘zini ishlatgan. Ekspertiza siyosatchi bu so‘zni birinchi ma’noda qo‘llaganini aniqladi.

Eslatib o‘tamiz, Armanistonda Pashinyan va arman cherkovi o‘rtasida jiddiy mojaro sodir bo‘lmoqda. Bosh vazirning ta’kidlashicha, mamlakatdagi cherkovlar “har xil axlatlar bilan to‘lib ketgan”, yepiskoplar turmush qurmaslik haqidagi va’dalarini buzmoqda, hatto arman cherkovi rahbari katolikos Garegin II ham farzandli bo‘lgan. Bunga javoban Armanistonda tartibsizliklar boshlandi. Bu harakatlar yetakchilaridan biri, tadbirkor Samvel Karapetyan hibsga olingan. Qolgan faollar qamoq bilan tahdid qilingan.