BMT O‘zbekistondagi afg‘on qochqinlarini qo‘llab-quvvatlash uchun pul ajratadi
Birlashgan Millatlar Tashkilotining Qochqinlar bo‘yicha Oliy komissarligi (UNHCR) murojaatiga ko‘ra, 2023 yilda afg‘onlarga yordam berish uchun 4,62 milliard AQSh dollari kerak. Bu haqda BMT saytiga tayanib, CentralAsia xabar berdi.
«Afg‘oniston ayni damda dunyodagi eng yirik va eng og‘ir gumanitar inqirozlardan birini boshdan kechirmoqda. Rekord darajadagi 28,3 million kishi (aholining uchdan ikki qismi), jumladan, ayollar va qizlar insonparvarlik yordami va himoyasiga muhtoj. Ehtiyojlar ayollarga nisbatan yaqinda qo‘yilgan cheklovlar, jumladan, nodavlat tashkilotlarda ishlashni taqiqlash bilan yanada kuchaymoqda.
Departamentning fikricha, afg‘onlarga moliyaviy yordam ochlik, kasallik, to‘yib ovqatlanmaslik va o‘limning oldini olish uchun muhim bo‘lib qolmoqda. 2022 yilda shunga o‘xshash murojaat atigi 52 foizga moliyalashtirildi va zarur bo‘lgan 623 million dollardan 321 million dollar yig‘ildi.
Bundan tashqari, brifingda qo‘shni mamlakatlardagi afg‘on qochqinlari va ularni qabul qiluvchi mezbon oilalarni qo‘llab-quvvatlash uchun 13 million dollarlik mintaqaviy reja e’lon qilindi.
«2023 yilga mo‘ljallangan afg‘on qochqinlarining mintaqaviy qo‘llab-quvvatlash rejasiga ko‘ra, besh qo‘shni davlatda: Eron, Pokiston, Tojikiston, Turkmaniston va O‘zbekistonda istiqomat qiluvchi afg‘onlarni qo‘llab-quvvatlash uchun 613 million dollar ajratiladi. Bu mamlakatlarda 8,2 millionga yaqin afg‘on, jumladan, ro‘yxatga olingan ikki milliondan ortiq qochqin yashaydi. Ularning ko‘pchiligi o‘nlab yillar davomida mintaqada, asosan, Eron va Pokistonda qolgan», deyiladi xabarda BMT.
2021 yildan beri Markaziy Osiyoga 1,6 million afg‘on qochqinlari kelgan. Qo‘llab-quvvatlashga muhtojlarning 70 foizidan ortig‘ini ayollar va bolalar tashkil etadi.
