Antaliyaning tematik bog‘lari haqida eshitganmisiz?

Turkiyaning turizm poytaxti Antaliya har bir faslga mos, jahon darajasidagi tematik parklari bilan o‘yin-kulgi, ijodkorlik va sarguzashtni uyg‘unlashtirgan jozibali sayyohlik manzilidir. Shahar zamonaviy attraksionlar hamda interaktiv tajribalarga boyligi bilan e’tiborni tortadi.

Afsonalar diyori

Afsonalar diyori Belek hududida joylashgan bo‘lib, Turkiyaning eng yirik ko‘ngilochar majmualaridan biridir. Ramziy 62 metrli Hyper Coaster attraksioni, Aqua landning rang-barang suv o‘yinlari, shuningdek, Nickelodeon land va “Masha va Ayiq” kabi sehrli olami majmuani har bir yosh toifasi uchun unutilmas hordiq maskaniga aylantiradi.

Dokumapark

Antaliyaning Kepez tumanida, sobiq tekstil fabrikasi hududida barpo etilgan Dokumapark attraksionlardan ko‘ra xotira va madaniyatga asoslangan noyob dizayni bilan ajralib turadi. Maydon bitta kampusda muzeylar, ko‘rgazma zallari, kafe va sayr yo‘laklarini jamlab, tashrif buyuruvchilarga sokin va ma’rifiy dam olish imkonini beradi.

Majmuada nostaljik o‘yinchoq muzeyi, Turkiyaning turli hududlaridagi mashhur manzillarning 1:25 o‘lchamdagi nusxalari joylashgan 10 000 kvadrat metrli ochiq havodagi miniatur park, shuningdek, klassik avtomobillar namoyish etiladigan Avtomobil muzeylari bor.

Antaliya akvariumi

Antaliya akvariumi dunyoning eng yirik akvarium komplekslaridan biri bo‘lib, u 40 dan ortiq tematik akvarium va 131 metr uzunlikdagi ajoyib tunnelga ega. Tunnel bo‘ylab yurganingizda, akula, vatoz va baliqlar bosh uzra suzib o‘tar va go‘yo dengiz tubida sayr qilayotgandek his uyg‘otadi.

Asosiy ekspozisiyalardan tashqari, bu yerda tropik uslubdagi WildPark, noldan past haroratli Snow World & Ice muzeyi, qisqa davom etuvchi Oceanride XD kinoteatri hamda mum haykal muzeyi mavjud.

Majera ormanı, Aktur lunapark va Hip-Notics

Kepez Majera o‘rmoni qarag‘ay daraxtlari bilan o‘ralgan tepaliklar orasida joylashgan bo‘lib, arqon yo‘laklari, ziplayn, toqqa ko‘tarilish elementlari, peyntbol va sarguzasht yo‘laklari orqali ochiq havoda hayajonli dam olish imkonini beradi. Baland platformalardan shahar manzarasini tomosha qilish esa bu maskanni yanada jozibali qiladi.

Konyaaltidagi Aktur lunapark tezkor attraksionlari, gondolalar, qo‘rqinchli uy, bolalar va karnaval o‘yinlari bilan klassik lunapark muhitini jonlantiradi. Ayniqsa kechki paytlarda musiqa sadosi va Ferris g‘ildiragi manzarasi parkga alohida fayz bag‘ishlaydi.

Hip-Notics Cable parki tog‘lardan oqib tushadigan suv bilan to‘ldirilgan uchta sun’iy ko‘l ustida qurilgan. 730 metrli kabeli, besh ustunli tizimi hamda murakkab harakatlarni o‘rganishga mo‘ljallangan juft minorali tuzilmasi tajribali veykbordchi (qayiqni orqaga tortuvchi suv sporti) va yangi o‘rganuvchilar uchun birdek qulay sharoit yaratadi. Mashg‘ulotlar nazorat ostida o‘tkazilib, qisqa vaqt ichida ham kuchli taassurot qoldiradi.

Antaliya Kapalaklar dunyosi

2026 yil fevral oyida ochilishi rejalashtirilgan Antaliya Kapalaklar dunyosi qariyb 10 000 kvadrat metr maydonni egallaydi. Ulkan shisha inshoot ostida yam-yashil o‘simliklar, sharsharalar va hovuzlar orasida minglab kapalaklar erkin parvoz qiladigan osoyishta tropik maskan. Bundan tashqari, majmuada qushlar bog‘i, botanika hududlari, bolalar uchun ijodiy ustaxonalar hamda ekologik ta’lim va mavsumiy tadbirlar uchun mo‘ljallangan ochiq osmon ostidagi amfiteatr ham faoliyat yuritadi.