Abdumavlon Qosimov Toshkent shahar deputati lavozimidan muddatidan avval ozod qilindi

Xalq deputatlari Toshkent shahar kengashi deputati Abdumavlon Qosimov o‘z arizasiga binoan muddatidan oldin iste’foga chiqarildi.

Ma’lum qilinishicha, Xalq deputatlari Toshkent shahar kengashi deputat Abdumavlon Qosimovning muddatidan oldin iste’foga chiqishini ma’qullagan, kengashning 27 yanvar kuni bo‘lib o‘tgan 77-sessiyasida qaror qabul qilingan. Deputatning o‘zi iste’foga chiqish haqida ariza bergan. Deputat kengash kotibiyati mudiri lavozimida hamda ijtimoiy tarmoqlar va kengash saytini nazorat qilib borgan.

Ma’lumot uchun, Abdumavlon Qosimov 2020 yil yanvar oyida “Adolat” partiyasidan 45-Qoratosh okrugi deputati etib saylangan, deputatlik vakolati 2025 yilning yanvarigacha amal qilishi kerak edi.

Eslatib o‘tamiz, sal avval Toshkent shahar sobiq hokimi Jahongir Ortiqxo‘jayevning shahar kengashi deputatlik vakolati muddatidan oldin to‘xtatilgani haqida xabar berilgandi.