Венесуэланинг асосий мухолифат коалицияси учинчи уринишда президентлик сайловида қатнашувчи номзодини рўйхатдан ўтказишга муваффақ бўлди

Расмийлар бундан олдин мухолифатнинг икки номзодига июл ойида бўлиб ўтадиган президентлик сайловида номзод сифатида рўйхатдан ўтишига тўсқинлик қилган эди.

Бирлашган Платформа коалицияси (Platforma Unitaria) чоршанба куни ўз аъзоларидан бири, собиқ дипломат Эдмундо Гонсалесни президентликка номзод сифатида рўйхатдан ўтказишга муваффақ бўлганини эълон қилди.

Шу билан бирга, мухолифат коалицияси Гонсалес вақтинчалик номзод бўлишини, чунки керакли номзодни рўйхатдан ўтказиш имконига эга бўлмаганликларини маълум қилди. Венесуэла қонунларига кўра, партиялар 20 апрелгача номзодларни алмаштиришлари мумкин.

Мухолифат номзоди 2013 йилда вафот этган Уго Чавеснинг вориси, президент Николас Мадурога қарши президентлик учун курашади.