Вакцина яратилган Россияда коронавирус қайта уйғонмоқда
Россияда ўтган кун давомида 6 минг 65 та коронавирус ҳолати аниқланди. Мамлакатда бутун пандемия пайтида юқтирганларнинг умумий сони 1 миллион 97 минг 251 кишига етди.
Коронавирус билан боғлиқ вазиятни мониторинг қилиш бўйича ахборот марказининг маълумотига кўра, COVID-19га чалинганларнинг энг кўпи Москвада (825), ундан кейин Санкт-Петербург (212) ва Ростов вилояти (180)да. Ушбу кўрсаткич бўйича Москва вилояти тўртинчи ўринни эгаллади (175).
Сўнгги 24 соат ичида 144 киши инфекция қурбонига айланди. Россия Федерациясида вирусдан ўлганлар сони ҳозирда 19 минг 339 кишини ташкил қилмоқда.
Хабарга кўра, 19 июлдан кейин илк бор коронавирус билан боғлиқ статистика кескин ошди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
