Уммондаги сув тошқинлари оқибатида 15 киши ҳалок бўлди
Уммон султонлигида якшанба куни бошланган кучли ёмғирлар давом этмоқда. Кучли ёғингарчилик сув тошқинларига олиб келди, бу вақтга келиб 15 кишининг ҳаётига зомин бўлди. Расмийлар бедарак йўқолганларни қидирмоқда, мамлакат фуқароларини эса ноқулай об-ҳаво шароитида эҳтиёт чораларини кўришга чақирмоқда, дея хабар беради Kazinform мухбири Times of Omanга таяниб.
Душанба куни Уммон фуқаролик мудофааси ва фавқулодда вазиятлар хизматлари Шимолий ал-Шарқия провинциясида бедарак йўқолган эркакнинг жасадини топди.
- Шимолий ал-Шарқия провинцияси фуқаро мудофааси ва тез тиббий ёрдам бошқармасининг қидирув гуруҳлари, шунингдек, бошқа томонлар ва фуқаролар кўмагида йўқолган шахс ўлик ҳолда топилди. Яна уч кишини, жумладан бир болани қидириш ҳали ҳам давом этмоқда, - дейилади Уммон фуқаролик мудофааси ва тез ёрдам бошқармаси хабарида.
Шимолий ал-Шарқия провинцияси фуқаролик мудофааси ва фавқулодда хизматлар бошқармаси қидирув гуруҳлари кейинчалик бир бола ва аёлнинг жасадларини топиб, Султонликда ҳалок бўлганлар сонини 15 кишига етказди.
Фуқаро авиацияси маъмурияти мамлакатнинг бир қатор провинцияларида кучли шамол ва дўл билан бирга кучли момақалдироқ бўлиши кутилаётгани ҳақида огоҳлантирди. Идора фуқароларга ноқулай об-ҳаво шароитида эҳтиёт чораларини кўриш, сув ҳавзаларини кесиб ўтмаслик, паст жойлардан узоқлашмаслик ва хавотирли даврда сузишга бормасликни тавсия қилди.
Якшанба куни Уммонда автомобиллари сув тошқинларида чўкиб кетиши оқибатида камида 12 киши ҳалок бўлди. Фавқулодда вазиятлар миллий қўмитаси маълумотларига кўра, ҳалок бўлганлар орасида тўққиз нафар талаба, икки нафар маҳаллий аҳоли ва бир нафар хорижлик бор.
Уммон Вазирлар кенгаши Шимолий ал-Шарқия провинциясида кучли ёмғирлар оқибатида ҳалок бўлган талабаларнинг оила аъзолари ва яқинларига ҳамдардлик билдирди.
Ижтимоий тармоқларда Уммон кўчалари бўйлаб оқаётган тошқин сувлари автомобилларни оқизиб кетгани акс этган видеолар тарқалди.
Khaleej Timesнинг хабар беришича, Уммон полициясининг авиация гуруҳи 21 кишини қишлоқ фермасидан Қурият провинсиясидаги Ал-Ласмо ҳудудига олиб келган, улар сув билан ўралган.
Душанба куни Уммондаги мактаб ва коллежларга масофавий таълимга ўтиш кўрсатмаси берилди. Кўрсатма якшанба куни Олий таълим, тадқиқот ва инновациялар вазирлигидан келди.
Бизнес эгаларига ўз ходимларининг хавфсизлигини таъминлаш учун об-ҳаво маълумотларини кузатиб бориш орқали хабардор бўлиш тавсия қилинди.
