Украина генерали: Америка снарядлари русларнинг тезлигини секинлаштирди

Америка артиллерия снарядлари аллақачон илғор Украина бўлинмалари ихтиёрига етиб борган ва Россия ҳарбий операциялари суръатини секинлаштира бошлаган. Бу ҳақда Украина мудофаа вазири ўринбосари, генерал-лейтенант Иван Гаврилюк маълум қилди. Унинг шарҳини Британиянинг Telegraph газетаси келтирмоқда.

Гаврилюк, шунингдек, ўқ-дориларни қайта етказиб бериш муҳим эканини, бироқ АҚШ апрель ойида ваъда қилган қуролларнинг аксарияти ҳали ҳам йўлда эканини таъкидлади. «Атлантикани кесиб ўтиши керак бўлган кемаларни юклаш учун вақт керак,» деди у, «лекин биз аллақачон натижаларни кўрмоқдамиз.»

«Вақт ўтиб, ҳамма нарсани тўғри йўлга қўйганимизда, биз устунликка эришамиз», - деб ваъда берди Гаврилюк.