Тезкор! Хитой урушга тайёрланмоқда
Хитой раҳбари Си Цзинпин Гуандун провинциясидаги ҳарбий базага ташрифи чоғида ХХР армиясининг барча кучларини урушга тайёргарлик кўриш учун юборишга чақирди, дея хабар қилди хитой матбуоти.
Хитой Халқ Озодлик Aрмияси Денгиз кучлари корпусининг Чаочжоу шаҳридаги текшируви пайтида Си Цзинпин аскарларни "юқори ҳушёрлик ҳолатини сақлашга" ундади, деб хабар берди CNN.
Си Цзинпиннинг Гуангдонгга ташрифининг асосий мақсади 1980 йилда хорижий капитални жалб қилиш учун ташкил этилган ва Хитой иқтисодиётининг дунёдаги иккинчи ўринни эгаллашида муҳим рол ўйнаган Шэньчжэнь махсус иқтисодий зонасининг 40 йиллиги муносабати билан нутқ сўзлаш эди, дея таъкидлайди Aмерика телеканали Синхуа агентлигига асосланиб.
CNN Си Цзинпиннинг ҳарбий базага ташрифи Хитой ва AҚШ ўртасидаги муносабатларнинг энг юқори чўққисига кўтарилгани фонида амалга оширилаётганини таъкидламоқда. Икки мамлакат ўртасида коронавирус ва Тайванда зиддиятлар кучаймоқда.
Душанба куни Оқ уй AҚШ Конгрессига Тайванга учта замонавий қурол-яроғ тизимини, шу жумладан, ракета тизимларини сотишни маъқуллашни режалаштираётгани тўғрисида хабар берди, деб хабар берди CNN Оқ уй расмийсига асосланиб.
Хитой расмийлари ушбу хабарларга кескин муносабат билдиришди ва AҚШни Тайванга жўнатилган ҳарбий ёрдамни дарҳол қайтариб олишга чақиришди.
