Таъзия! Мавлуда Асалхўжаева оғир жудоликка учради (фото)

Ўзбекистонда хизмат кўрсатган артист Мавлуда Асалхўжаева оғир жудоликка учради.

Хонанда бу ҳақда ўзининг Инстаграм саҳифасида маълум қилди.

“Азиз мухлисларим, бугун мен учун жудаям қайғули кун, жонажон жияним, созандам Ҳабибулло бу дунёни тарк этди.  Кўп йиллардан буён инсульт касаллигининг асоратлари билан курашиб келаётган эдик. Кунда-кунора бориб гаплашиб, кўнглини олар эдим. Бугун эса ўзимни қўярга жой тополмай қолдим. Сизнинг орангизда уни таниганлар ва танимаганлар бор,  сизлардан унинг ҳаққига дуо қилишингизни илтимос қилиб қоламан. Яқиндагина борганимда уни таниганлар учун видео олган эдим, лекин бугун уни дардман ҳолатда эмас, аксинча ёруғ юзли соғлом кўринишда эслаб қолишларини хоҳладим. Охиратинг обод, жойинг жаннатдан бўлсин!

Бу қиз Саидахон, етти ёт бегона бўла туриб мана 8 йилки жияним Ҳабибуллога гап жойиз бўлса, ўз фарзандига қарагандек парвариш қилди. Мен бу қиз олдида бош эгаман, бундай инсонлар борлигидан таъсирланаман. Саидахон, сизга бир умр қарздорман, жиянимни  умрини сўнгги сониясигача касалликка қарши курашганингиз учун, керак бўлса, ўз оилангиздан устун қўйганингизни кўриб сизга қойил қолдим. Сизни тарбиялаган ота-онангизга минг раҳмат. Оллоҳим сизни доим қўлласин!” деб ёзган хонанда.