Россиянинг дронлари Суми вилоятидаги электр тармоқларига зарба берди
Россиянинг учувчисиз учоқлари Украина шимолидаги Конотоп шаҳрининг энергетика инфратузилмасига катта зарар етказди ва камида 14 киши жароҳат олди ва аҳоли пунктида электр таъминоти узилди.
Ҳужум чоғида 10 та портлаш содир бўлган, минтақа расмийларига кўра, энергия тизими оғир аҳволда.
«Ҳозирда энергетика ходимлари шифохона ва сув таъминоти тизимини электр энергияси билан таъминлаш учун қўлларидан келган барча ишни қилмоқдалар», деди пайшанба куни эрта тонгда шаҳар мери Артем Семенихин.
Касалхона ишламоқда, дея қўшимча қилди у.
Семенихиннинг сўзларига кўра, Конотоп ҳукумати электр энергияси қачон тикланиши ҳақида ҳеч қандай тасаввурга эга эмас ва улар соатига сув етказиб беришни режалаштирмоқда.
Вилоят прокурорлари ва маҳаллий расмийларнинг айтишича, ҳужум натижасида еттита кўп қаватли уй, тиббиёт ва таълим муассасалари, дўкон, банк ва шаҳар трамвайининг бир қисми ҳам зарар кўрган.
