Россияда 6 киши қўлга олинди. Улар 500 нафар мигрантни ноқонуний "қонунийлаштирган"

Россия Ички ишлар вазирлигининг расмий вакили Ирина Волк Санкт-Петербургда беш юз нафар муҳожирни ноқонуний "қонунийлаштирган" олти киши ҳибсга олингани ҳақида хабар берди. Қўлга олинганлар орасида тўрт нафар маҳаллий ва икки нафар қўшни давлат фуқаролари ҳам бор.

«Тўрт нафар айбланувчи ҳибсга олинди, яна икки нафарига жойни тарк этмаслик ва ўзини тўғри тутиш тўғрисида ёзма равишда эҳтиёт чораси қўлланилди», — деди Ирина Волк.

Полиция, шунингдек, Россияда хорижликларни ноқонуний "қонунийлаштириш" канали қандай ташкил этилгани ва у тўхтатилганини ҳам тасвирлаб берди.

Маълум бўлишича, ноқонуний фаолият ташкилотчиси ўғли билан бирга ҳаракат қилган. Улар биргаликда Санкт-Петербург ва минтақада пропискага муҳтож бўлган Марказий Осиё фуқароларини топадилар. Шу билан бирга, ноқонуний муҳожирларни ўз квартираларида пул мукофоти эвазига рўйхатдан ўтказишга тайёр бўлган маҳаллий аҳоли вакиллари қидирилади.

2023 йил охиридан буён 500 дан ортиқ киши шу тарзда ноқонуний "қонунийлаштирилди". Улардан баъзилари кейинчалик вақтинчалик яшаш учун рухсат олиш учун ариза беришган.

Аҳолига давлат хизматлари кўрсатиш марказининг икки нафар ходими жиноий схема ҳақида билишган. Ҳозирда полиция ҳибсга олинганларнинг бошқа шерикларини аниқламоқда.