Роналду Саудия футболидаги энг яхши хорижлик футболчи деб топилди

Машҳур португалиялик ҳужумчи Криштиану Роналду FourFourTwo талқини бўйича Саудия Арабистони чемпионатининг хорижлик футболчилари рейтингида биринчи ўринни эгаллади.

Сўнгги икки йил ичида Саудия Арабистони Профессионал лигаси катта сармоя киритилиши туфайли кўплаб машҳур футболчиларни олиб келди. FourFourTwo экспертлари эса 33 нафар футболчидан иборат рўйхатдаги энг машҳур футболчиларни ажратиб кўрсатишга қарор қилишди.

Бу ерда рейтингда биринчи ўринни португалиялик Роналду эгаллаб турибди, у 2023 йилдан буён сардор ва тўпурар бўлиб келаётган "Ан-Наср" шарафини ҳимоя қилмоқда.

Криштианудан кейинги ўринларни Неймар (“Ал-Ҳилол”), Карим Бензема (“Ал-Иттиҳод”), Габриэль Вейга (“Ал-Аҳли”) ва Риёд Маҳрез (“Ал-Аҳли”) эгаллади.

Энг яхши хорижлик футболчилар рўйхатидан, шунингдек, Садио Мане (“Ал-Наср”, 7-ўрин), Рубен Невес (“Ал-Ҳилол”, 11-ўрин), Калиду Кулибали (“Ал-Ҳилол”, 15-ўрин) ва Малком (“Ал-Ҳилол”, 27-ўрин) ҳам бор эди.