Ўзбекистонда улгуржи сотувчилар учун алкоголь маҳсулотларининг минимал нархлари белгиланди

Ўзбекистонда улгуржи савдо корхоналари учун алкоголь маҳсулотларининг минимал сотиш нархлари янгиланди, деб хабар бермоқда «Подробно.уз» мухбири.

Ўзбекистон Иқтисодиёт ва молия вазирлиги ҳамда Солиқ қўмитаси алкоголли маҳсулотларнинг янги энг кам улгуржи ва чакана нархларини тасдиқлади. Тегишли қарор Lex.uz’да эълон қилинган ва 2024 йил 17 сентябрдан кучга кирди.

Ҳужжат пиводан ташқари алкоголли маҳсулотларнинг улгуржи ва чакана нархларини тартибга солади.

Эслатиб ўтамиз, 2023 йил май ойида тасдиқланган алкоголнинг минимал нархлари билан солиштирганда ишлаб чиқарувчилар ва чакана сотувчилар учун нархлар сезиларли даражада ўзгармаган. Шу билан бирга, коньякнинг чакана нархи ошди.

1 литр винонинг минимал сотиш баҳоси ишлаб чиқариш корхоналари учун 14,4 минг сўм, улгуржи савдо корхоналари учун 15,1 минг сўм, энг кам чакана нархи эса 16,4 минг сўмни ташкил этади.

Коньякнинг 1 литри ишлаб чиқариш корхоналари учун – 57,4 минг сўм, улгуржи савдо корхоналари учун – 60,5 минг сўм, энг кам чакана нархи 66 минг сўм (63 минг сўмдан).

Ишлаб чиқариш корхоналари учун 1 литр ароқ ва бошқа алкоголли маҳсулотлар учун – 37 минг сўм, улгуржи савдо корхоналари учун – 39 минг сўм, энг кам чакана нархи – 43 минг сўм.