Роналду дисквалификациядан кейин илк марта пост қолдирди

«Ан-Наср» ҳужумчиси Криштиану Роналду битта ўйиндан иборат дисквалификацияни ўтаганидан кейин ижтимоий тармоқларда ўзининг илк постини қолдирди.

«Эртанги кунга тайёрман», — дея ёзди португалиялик ўйинчи.

«Ан-Наср» 4 март куни Осиё чемпионлар лигаси чорак финал босқичи доирасида «Ал-Айн» билан тўқнаш келади.

Роналду жорий мавсумда барча мусобақалар доирасида 29 ўйинда майдонга тушиб, 28 гол ва 11 ассист муаллифига айланди. Унинг клуб билан шартномаси 2025 йилга қадар тузилган.