Қозоғистонлик боксчилар Париж Олимпиадасида 3 та медаль қўлга киритишмоқчи

Қўшниларимиз Париж-2024 Олимпиадасида камида 3 та медаль қўлга киритишни мақсад қилишган. Бу ҳақда бокс бўйича Қозоғистон терма жамоаси бош мураббийи Мирзагали Айтжанов интервью берди.

"Худо хоҳласа, имкон қадар кўпроқ медаль олишга ҳаракат қиламиз. Лекин камида 1 тадан олтин, кумуш ва бронза медалини қўлга киритишимиз лозим. Бунинг учун бор имкониятимизни ишга соламиз", - деди Айтжанов.

Таъкидлаш жоиз, 4-12 март кунлари Италиянинг Бусто-Арсицио шаҳрида Олимпия ўйинлар учун лицензион турнир бўлиб ўтади. Унда олти нафар қозоғистонлик боксчи Олимпиада йўлланмалари учун рингга чиқади. Ҳозирча уларда битта лицензия (Камшибек Конкабаев) бор.