Польша Қримда «адолатли референдум» ўтказишни таклиф қилмоқда
Польша ташқи ишлар вазири Радослав Сикорски Қрим муаммосини ҳал қилиш вариантларидан бирини – БМТ шафелигида «адолатли референдум» ўтказишни таклиф қилди. Киевдаги Ялта Европа стратегияси форумида сўзлаган Сикорский референдумдан олдин яриморол БМТ миссияси бошқарувига ўтказилиши кераклигини таъкидлади. Унинг фикрича, бу қадам 2014 йилда Қримнинг Россия томонидан аннекция қилиниши натижасида юзага келган можарони ҳал қилишга ёрдам бериши мумкин.
«Қрим Россия ва айниқса Путин учун рамзий аҳамиятга эга, лекин Украина учун стратегик аҳамиятга эга. Шунинг учун улар Қримни қуролсизлантирмасдан қандай келишувга келишларини тушунмаяпман», деди Сикорский. Шунингдек, у БМТ тайёргарлигини ҳисобга олиш учун овоз беришни 20 йилга кечиктиришни таклиф қилди.
Сикорскийнинг нутқига жавобан Украина президенти девони раҳбари Андрей Эрмак ўзининг Телеграм-каналида «Қрим – Украина», деб тасдиқлади.
❗️ Шу билан бирга, Польшанинг Onet нашри Сикорский ва Владимир Зеленский ўртасидаги қийин музокаралар ҳақида хабар берди. Манбаларга кўра, Зеленский Польша томонининг норозилигига сабаб бўлган Волин фожиаси масаласини муҳокама қилишдан бош тортган.
