Нидерландия ва Венгрия Европа Иттифоқининг миграция қоидаларидан воз кечмоқчи

Нидерландия ҳукумати Европа комиссиясига қочқинларни қабул қилиш бўйича Европа тизимидан воз кечиш режалари ҳақида мактуб йўллади.

"Мен ҳозиргина Еврокомиссияни Нидерландия Европа иммиграция қоидаларидан воз кечишини хоҳлаётганини билдирдим. Биз ўз бошпана сиёсатимизни назорат қилишимиз керак", — деди мамлакатнинг Бошпана ва миграция вазири Маржолейн Фабер.

Венгрия миграцияни чеклаш масаласида Нидерландияни қўллаб-қувватлади:

"Венгрия ҳукумати Нидерландиянинг миграция ва бошпана бўйича Европа Иттифоқи пактидан чиқиш ҳақидаги сўровига қўшилади. Aгар ушбу келишувга киритилган ўзгартиришлар шундай имконият яратса, бу қабул қилиниши мумкин бўлган масала", — деб ёзади Венгрия Европа Иттифоқи ишлари вазири Янош Бока.