Грузия парламенти ЛГБТ ташвиқотини тақиқловчи қонунни қабул қилди
Грузия парламенти “Оилавий қадриятлар ва вояга етмаганларни ҳимоя қилиш тўғрисида”ги қонунни учинчи якуний ўқишда маъқуллади, деб ёзади NewsGeorgia.
Қонун лойиҳасини 84 депутат қўллаб-қувватлади, мухолифат эса овоз беришда қатнашмади. Ҳукмрон “Грузия орзуси” партияси қонунни кўриб чиқиш учун тақдим этди. Мухолифат парламент ишини бойкот қилди ва овоз беришда қатнашмади.
Таклиф этилаётган тузатишлар бир жинсли никоҳлар, бир жинслиларни фарзандликка олиш ва трансгендерликга ўтишни тақиқлайди. Шифокорларга трансгендерга ўтишни осонлаштирадиган операциялар ва бошқа манипуляцияларни бажариш тақиқланади. Бундай тартибларни амалга ошириш жиноий жавобгарликка, шу жумладан озодликдан маҳрум қилишга олиб келади. Бундан ташқари, таълим ташкилотлари ва оммавий ахборот воситаларида бир жинсдаги муносабатларни “таништириш”га қаратилган ахборотни реклама қилиш ва тарқатиш тақиқланади. Шунингдек, “тарғибот”га қаратилган оммавий йиғилишлар (йиғилиш ёки намойишлар) ўтказиш ҳам тақиқланади.
“ЛГБТ ташвиқотини” тақиқловчи қонун Европа Иттифоқи томонидан танқид қилинди. Европа дипломатияси раҳбари Жозеп Боррель Грузия ҳукуматини ЛГБТ ташвиқотини тақиқловчи қонунни бекор қилишга чақириб, бу мамлакатни Европа Иттифоқига қўшилишдан янада узоқлаштиришини таъкидлади.
“Мен Грузияни мамлакатнинг ЕИга йўлини янада издан чиқарадиган қонунчиликни қайтариб олишга чақираман”, — деб ёзди Боррель ижтимоий тармоқдаги Х саҳифасида.
