"Оскар" совриндорлари Францияда пенсия ислоҳотига қарши норозилик намойишларига қўшилишди

Франциялик актриса ва “Оскар” мукофоти совриндори Жюльет Бинош Франциядаги пенсия ислоҳотига қарши намойишларга қўшилди.

Шунингдек, "Оскар" мукофотига сазовор бўлган француз режиссёри Мишел Хазанавичус ("Рассом") Франция президенти Эммануел Макронга пенсия лойиҳасини бекор қилишни талаб қилиб, очиқ жамоавий хатни имзолади.

"Сиз адолатсиз, самарасиз ва аҳолининг ижтимоий ҳимояга муҳтож қатламларига жиддийроқ таъсир кўрсатувчи пенсия ислоҳотини ўтказишга қарор қилдингиз. Ислоҳотингизни мамлакат фуқароларининг мутлақ кўпчилиги рад этди", — дейилади мактубда.

Филм ижодкорларининг мурожаати Франсиянинг Либератион газетасида 23-март куни маҳаллий матбуотга кўра, бутун мамлакат бўйлаб миллиондан ортиқ одамни тўплаган оммавий норозилик намойишлари арафасида чоп этилган.

Иш ташлашлар давом этаётганига қарамай, ўтган ҳафта ҳукумат конституциянинг 49.3-бандидан фойдаланган ҳолда пенсия ёшини 62 дан 64 га кўтариш тўғрисидаги қонун лойиҳасини қабул қилди.