Одамлар хавотирда: "Банкда доллар тугаб қолмасмикин?" (фото)

Хабарингиз бор, 20 августдан бошлаб тижорат банклари томонидан доллар сотилиши йўлга қўйилди. Sputnik мухбири Тошкентдаги тижорат банкларидаги вазиятни кузатди.

Аксарият валюта айирбошлаш жойлари олдида навбатлар юзага келган. Улар олдида бир нечта ҳуқуқ-тартибот орган ходимларини кўриш мумкин.

Эҳтимол бундай чоралар, одам гавжум бўладиган жойларда ҳуқуқбузарликни олдини олиш ва аҳолини “валютафуруш”лардан тўсиш учун амалга оширилмоқда. Ички ишлар ходимлари пайдо бўлиши билан “валютафуруш”лар дарҳол ғойиб бўлди, дейилади хабарда.

Одамлар сумкаларда пул олиб келишмоқда. Шу билан бирга, валюта сотиб олишга ҳеч қандай чекловлар йўқ, аммо баъзи банкларда тез тугамоқда.

Навбатда турган одамлар ҳаммага доллар етмайди, деб хавотир олмоқда.