Новак Жокович фаолиятидаги 1000-ғалабасини қўлга киритди

Италия пойтахти Рим шаҳрида теннис бўйича "Мастерс" сериясига кирувчи турнир давом этмоқда.

Дунёнинг биринчи ракеткаси Новак Жокович ушбу мусобақанинг ярим финалида тарихий натижага эришди. Сербиялик теннис юлдузи ATP рейтингида 10-ўринни эгаллаб турган норвегиялик Каспер Руудни 6/4, 6/3 ҳисобида таслим этди. Бу эса унинг фаолиятидаги 1000-ғалабаси эди.

Тарихий учрашув 103 дақиқа давом этган. Бу вақт давомида 35 ёшли Жокович 1 та, 23 яшар Рууд эса 2 та эйс зарбасини амалга оширди. Теннисчиларнинг ўзаро учрашувларидаги ҳисоб йириклашди - 3:0.