Наманганда шифокорни нега калтаклашгани маълум бўлди
Ижтимоий тармоқлар орқали тарқалган Наманган шаҳридаги 10-оилавий поликлиникада фуқаро шифокорни аямасдан тагига босиб олиб дўппослаётганлиги айтилаётган видео юзасидан расмий маълумот.
Ҳолат бўйича 2021 йил 28 июль куни Наманган шаҳар ИИО ФМБ 2-сон ИИБ навбатчилик қисмига келиб тушган хабар асосида ИИБ ходимлари томонидан воқеа жойига борилиб терговга қадар текширув ҳаракатлари олиб борилганда Наманган шаҳар Янгиқурилиш МФЙда жойлашган 10-сонли оила поликлиникада шифокор бўлиб ишловчи, 1994 йилда туғилган Н.К.ни олдига Наманган шаҳрида яшовчи 1999 йилда туғилган Б.Н. акаси 1996 йилда туғилган Г.Н.ни соғлиғи яхши эмаслиги ва тана ҳарорати кўтарилиб кетганлигидан шикоят қилиб тиббий ёрдам сўраб келганлиги Н.К. тиббий кўрикни ўтказиб тана ҳарорати кўтарилмаганлигини айтганида, Б.Н. нотўғри ташхис қўйяпсан деб жанжал кўтариб шифокор билан муштлашиб кетгани, оқибатда шифокор юз, бош ва қўл қисмидан жароҳат олганлиги аниқланган.
Шифокорни олган тан жароҳати бўйича тайинланган судга оид экспертиза ҳулосага кўра, шифокор бош мия ёпиқ шикасти, бош мия чайқалиши, ўнг қўл тирсак соҳаси шилинган жароҳати, пешона, ўнг чакка, ўнг кўз юқори қовоқ соҳаси қонталаш жароҳатлари борлиги ушбу жароҳат тиббий мезонга кўра оғирлик даражаси бўйича соғлиғини бузилишига сабабчи бўлган енгил тан жароҳати эканлиги аниқланган.
Юқоридаги ҳолат бўйича Наманган шаҳар ИИО ФМБ ТБ томонидан Ўзбекистон Республикаси жиноят кодексининг 277-моддаси 2-қисми “б” банди билан жиноят иши қўзғатилган.
