Муҳсин Ҳисомиддинов йилнинг энг яхши курашчиси – Халқаро кураш ассоциацияси

Халқаро кураш ассоциацияси (IKA) 2023 йилги спорт мавсумини сарҳисоб қилиш асносида йилнинг энг яхши спортчилари номини эълон қилди.

Унга кўра, кураш бўйича жаҳон ва қитъа ўйинлари ғолиби бўлган ҳамюртимиз Муҳсин Ҳисомиддинов 2023 йилнинг энг яхши спортчиси, дея эътироф этилди.

Айтиш лозим, ҳамюртимиз Муҳсин Ҳисомиддинов жорий йил давомида Ўзбекистон Республикаси Президенти соврини учун ташкил этилган “World Series Pro“ халқаро турнири финалида ҳам ғолибликка эришди.

2023 йилнинг энг яхши аёл курашчиси номига эса Доминикан Республикаси вакили, кураш бўйича жаҳон чемпиони, “World Series Pro“ халқаро турнири совриндори Аудрей Арелис сазовор бўлди.