Муҳаммад Салоҳ Премьер-лигада олдин ҳеч ким қила олмаган ишни бажарди
Муҳаммад Салоҳ Премьер-лигада голларда иштирок этиш бўйича рекорд ўрнатди.
"Ливерпуль" АПЛнинг 36-турида "Тоттенхэм"га қарши ўйнади (4:2). Мисрлик футболчи баҳсда гол ва голли узатмани амалга оширди.
Салоҳ Премьер-лига тарихида кетма-кет уч мавсумда 10+ гол урган ва 10+ голли узатма берган биринчи футболчидир. Жорий турнирда Муҳаммад ҳисобида 29 ўйинда 18 та гол ва 10 та голли узатма бор.
Шунингдек, у ушбу мусобақада беш хил мавсумда 10+ гол урган ва 10+ голли узатма берган Уэйн Рунидан кейин иккинчи футболчига айланди.
Матнда хатолик топсангиз, ўша хатони белгилаб, бизга жўнатинг (Ctrl + Enter).