Лукашенко Украина нимадан хурсанд бўлишини айтди

Лукашенко: «Украина ядро қуролидан фойдаланишдан хурсанд бўлади».

Беларус президенти Александр Лукашенко, агар Россия тактик ядро қуролидан фойдаланса, Украина «жуда хурсанд бўлади», деди. Бу фикрини у «Россия» телеканалига берган интервьюсида Украина қуролли кучларининг Россия Федерациясининг Курск вилоятидаги операциясини шарҳлар экан.

Лукашенконинг қайд этишича, Украинанинг бундай ҳаракатлари можаронинг кучайишига олиб келади ва Россияни ассиметрик чоралар, жумладан, ядро қуролидан фойдаланишга ундаши мумкин.

«Агар Россия ёки биз у ерда тактик ядро қуролидан фойдалансак, Украина жуда хурсанд бўлишини аниқ биламан. Бу бахт бўларди. Шунда, эҳтимол, бизнинг иттифоқчиларимиз қолмасди. Умуман олганда, хайрихоҳ мамлакатлар ҳам қолмайди. Чунки улар бўлаётган воқеаларга шўнғиб кетишган», — деди Александр Лукашенко.

«Иккинчидан, булар ядровий қуроллар. Биз аллақачон ушбу ядро қуроллари ҳақида маълум бир салбий тасаввурни шакллантирганмиз. Шунинг учун улар туртки беришмоқчи», - дея қўшимча қилди Беларус раҳбари.