Киевда 9 май нишонланмайди — Кличко

Киев мери Виталий Кличко 8-9 май кунлари шаҳарда Ғалаба кунига бағишланган тадбирлар ўтказилмаслигини айтди.

“8-9 май кунлари ҳарбий қўмондонлик ҳозирча Киев ва минтақада комендантлик соати жорий этишни режалаштирмаяпти. Шаҳарда бу кунларда ҳам бирон бир тадбир ўтказиш режалаштирилмаган. Чунки, эслатиб ўтаман, ҳарбий ҳолат даврида оммавий тадбирлар ўтказиш тақиқланади. Aгар кимдир гул қўйишга бормоқчи бўлса, у буни якка тартибда қилиши мумкин”, — деб ёзди Кличко телеграмда.

Шу кунларда кўчаларда патруллик қилиш, жамоат тартибини муҳофаза қилиш янада кучайтирилишини таъкидлади.

9-май куни Улуғ Ватан урушидаги Ғалабанинг 77 йиллиги нишонланади.