Кениядаги норозилик намойишлари бўлиб ўтмоқда. Полицияга ёрдма кучи сифатида ҳарбийлар юборилди
Мамлакатда фавқулодда ҳолат эълон қилинган. Reuters агентлигининг хабар беришича, тартибсизликлар оқибатида камида 5 киши ҳалок бўлган ва 31 киши яраланган. Сув пуркагичлар ва кўздан ёш оқизувчи газлардан фойдаланиш муваффақиятсизликка учрагач, полиция резина ўқларни отишни бошлади. Солиқларни ошириш тўғрисидаги қонун лойиҳаси парламент биносига оломоннинг бостириб кираётган вақтда, миллий парламент томонидан учинчи ўқишда қабул қилинди. Овоз беришдан сўнг депутатлар ер ости туннели орқали олиб чиқилди. Кения президенти Уилям Руто солиқ муҳокамаси ҳақида гапирар экан:
"Ўзини тинч намойишчилар сифатида кўрсатаётган жиноятчиларнинг халқни қўрқитаётганини қабул қилиш мумкин эмас ва ҳатто ақлга сиғмайди", — дея таъкидлади.
Маълумотларга кўра, Covid пандемияси, Украинадаги уруш, икки йиллик қурғоқчилик ва маҳаллий валютанинг қадрсизланиши натижасида юзага келган бир қатор иқтисодий зарбалар туфайли мамлакат ҳукумати солиқларни оширган.
