Исроилни сўзсиз қўллаб-қувватлаётган давлатлар Нетаняхунинг сиёсий манфаатлари учун қон тўкишига ёрдам бермоқда
Исроил Ғазо секторида босқинчилик ва қирғинбарот урушини бошлаганига 354 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Босқинчилар Рафаҳ, Дайр ал-Балаҳ, Жабалия ва Нусайрат лагерига ҳужум қилди. Уруш бошланганидан буён 41455 киши шаҳид бўлди.
▪️Ливан учун энг оғир кеча. Исроилнинг Ливан жанубидаги шаҳарларни оммавий бомбардимон қилишлари 21 соат давом этди. Ўнлаб турар-жой бинолари бомбардимон қилинди. Одамлар вайроналар остида қолмоқда. Бекаа водийси энг кўп зарар кўрди.
▪️Ливан Соғлиқни сақлаш вазирлиги: Бир кун ичида 492 киши, жумладан 35 бола ва 56 аёл ҳалок бўлди. 1645 киши жароҳатланган.
▪️Ал-Қассам бригадалари Ливандан Исроилга 40 дан ортиқ снаряд учирди.
▪️Ҳизбуллоҳ Исроилдаги Ҳайфа, Зайтим ҳарбий базаси, Рафаэл ҳарбий-саноат мажмуаси, Рамат Давит авиабазаси ва Нимра базаси, Мегиддо ҳарбий аэропорти, Амос базаси ва Зичрон ҳудудидаги портловчи моддалар заводига ҳужум қилди.
▪️Биринчи марта Ҳизбуллоҳ ракеталари Ғарбий Соҳилга етиб келди.
▪️Туркия Ташқи ишлар вазирлиги: Исроилни сўзсиз қўллаб-қувватлаётган давлатлар Нетаняхунинг сиёсий манфаатлари учун қон тўкишига ёрдам бермоқда.
▪️Хитой: Ливан хавфсизлиги ва суверенитетини ҳимоя қилишда уни қаттиқ қўллаб-қувватлаймиз.
▪️Франция БМТ Хавфсизлик Кенгашининг Ливан бўйича фавқулодда йиғилишини ўтказишга чақирмоқда.
▪️Ишғол матбуоти: Ливанда 24 соат ичида 1300 та зарба берилди.
▪️Оқ уй: Байден БААни Қўшма Штатларнинг асосий мудофаа ҳамкори деб эълон қилди.
